អ្វីទៅជា VirtualBox ?
VirtualBox គឺជាកម្មវិធីមួយដែលអាចដំណើរការលើប្រព័ន្ធប្រតិបត្តិការជាច្រើន ហើយកម្មវិធីនេះជាកម្មវិធីសម្រាប់បង្កើតភាពសប្បនិម្មិត។ តើវាមានន័យដូចម្តេច ?
វាមានន័យថា ភាពសប្បនិម្មិតនៅត្រង់នេះគឺការដែលយើងបង្កើតនូវម៉ាស៊ីន ឬតម្លើងប្រព័ន្ធប្រព័ន្ធប្រតិបត្តិការជាច្រើនតែវាពុំមែនជាម៉ាស៊ីនពិតនោះឡើយ។ សម្រាប់កម្មវិធីនេះដែរ អ្នកអាចតម្លើងប្រព័ន្ធប្រតិបត្តិការសប្បនិម្មិតប្រភេទ Windows Mac Linux និង Solaris បាននៅលើអង្គគណនា (CPU) ប្រភេទ Intel និង AMD-base បាន។
មិនតែប៉ុណ្ណោះសារៈប្រយោជន៍ផ្សេងទៀតរបស់វាគឺ វាអាចឲ្យលោកអ្នកតម្លើងនិងដំណើរការប្រព័ន្ធប្រតិបត្តិការច្រើនក្នុងពេលតែមួយ (ក្នុងប្រព័ន្ធ ប្រតិបត្តិការមួយអាចដំណើរការប្រព័ន្ធប្រតិបត្តិការសប្បនិម្មិតច្រើន) ដូចជា Windows (XP Vista 7 2000 2003 2008) Linux(Redheat CentOS Fedora Ubuntu) Mac (Lion Leopard) ។ល។ ដែលប្រព័ន្ធប្រតិបត្តិការសប្បនិម្មិតនិមួយៗអាចមានបរិមាណបន្ទុក និងអង្គចងចាំតាមចំនួនកំណត់ណាមួយ។
VirtualBox គឺជាកម្មវិធីមួយដែលពេញនិយមនិងពិសេសមួយ។ វាអាចដំណើរការបានគ្រប់ទីកន្លែង និងជាពិសេសជាមួយម៉ាស៊ីនដែលមាន Hardware កម្រិតទាប ព្រមទាំងសម្រាប់ deployments និង Cloud environments។
នៅមេរៀនបន្ទាប់អំពី Virtualbox វានឹងនាំមកជូនលោកអ្នកអំពិវិធីប្រើប្រាស់ដ៏ងាយៗរបស់វាជាភាសាខ្មែរ និងមានលំដាប់មេរៀនបន្តបន្ទាប់។ ខាងក្រោមនេះជាឧទាហរណ៍ស្តីអំពីការដំណើរការ Windows 7 នៅលើ Mac OS ។
មេរៀនដោយ ៖ ស្នាមញញឹម
អ្វីទៅជា VirtualBox ?,